Vestfirðir

Fyrir nákvæmlega 34 árum sigldi ég með togara nokkrum sinnum fyrir Horn og horfði hugfanginn á Vestfirðina frá sjó.  Einu sinni sá ég á sama tíma Vestfirðina og Grænland og þótti það tilkomumikil sjón.  Óendanlegur hreinleiki og allt svo skýrt og fallegt.

Ekki vil ég hugsa þá hugsun til enda ef við þurfum í framtíðinni að sigla í kjölfari olíuskipa á olíubrák og horfa á spúandi stóriðjureykháfa á þessu svæði.  Olíuhreinsistöð á ekki að rísa á Vestfjörðum.  Ekki frekar en alþjóðlegt fangelsi verstu glæpamanna heims í Vestmannaeyjum.